«Песняры» – музычная візітная картка Беларусі, чые песні ведаюць, любяць і спяваюць не толькі ў нашай краіне. Легендарны ансамбль створаны Уладзімірам Мулявіным у канцы 60-х гадоў мінулага стагоддзя. За больш чым паўвекавую гісторыю свайго існавання калектыў набыў прызнанне і бязмежную любоў многіх пакаленняў слухачоў. Імя Уладзіміра Мулявіна назаўжды ўпісана ў музычную культуру Беларусі. Яго творчасць падарыла нам мноства цудоўных песень, якія сталі класікай эстрады.
У фестывальнай канцэртнай праграме прагучаць песні, напісаныя заснавальнікам калектыву, у ліку якіх «Александрына», «Завушнiцы», «Касiў Ясь канюшыну”. А таксама «залатыя хіты» ансамбля: «Волагда», «Белавежская пушча», «Нашы любімыя», «Стары клён» і інш.. Публіка пачуе і прыгожыя новыя кампазіцыі, якія крануць сэрца кожнага.
Запрашаем усіх натхніцца творчасцю Уладзіміра Мулявіна і ансамбля “Песняры”!
12 чэрвеня 2026 года
Палац культуры г. Маладзечна
Пачатак у 19.00
Білеты: 20 руб.
Даведкі і заказ білетаў па тэл.: + 375 176 555 555, + 375 29 175 27 84 і на ticketpro.by
6 +
